HOSPITALI YA MKOA WA MBEYA YAKABIDHIWA VYANDARUA 100.


ASKOFU wa TAG Jimbo la Mbeya Kaskazini, Dk. Donald Mwanjoka akiwakabidhi vyandarua 100 viongozi wa Hospitali ya mkoa Mbeya

ASKOFU wa TAG Jimbo la Mbeya Kaskazini, Dk. Donald Mwanjoka akihutubia katika hospitali ya mkoa Mbeya

Mganga Mkuu wa Hospitali ya Mkoa wa Mbeya, Dk Seif Mhina akimkaribisha mgeni rasmi

Dr. Leonard Maboko Mwenyekiti wa kamati ya huduma za jamii ya TAG ambae pia ni Mkurugenzi wa NIMR, akitoa neno kwa wageni

Baadhi ya watumishi wa Hospitali ya mkoa Mbeya wakimsikiliza mgeni rasmi


Mganga mfawidhi wa Hospitali ya Mkoa wa Mbeya Dk. Gloria Mbwile, Alilipongeza Kanisa kwa kutimiza miaka 75 tangu kuanzishwa kwake nchini Tanzania pamoja na kutambua umuhimu wa huduma za jamii.






ASKOFU wa TAG Jimbo la Mbeya Kaskazini, Dk. Donald Mwanjoka amekabidhi vyandarua 100 katika Hospitali ya Mkoa wa Mbeya ikiwa ni sehemu ya maadhimisho ya jubilee ya miaka 75 ya kuanzishwa kwa kanisa hilo.
Akizungumza wakati wa zoezi la kukabidhi vyandarua hivyo, Askofu huyo alisema zoezi hilo linafanyika kutokana na Kanisa hilo kitaifa kuanzishwa Mkoa wa Mbeya pamoja na sherehe kufanyika kitaifa Mkoa wa Mbeya.

Awali akitoa utambulisho katika hafla hiyo iliyofanyika katika ukumbi wa Hospitali ya Mkoa wa Mbeya, Mwenyekiti wa Kamati ya Huduma za Jamii wa TAG, Dk. Leonard Maboko, ambaye pia ni Mkurugenzi wa NMR, alisema mbali na askofu huyo kukabidhi vyandarua hivyo katika hospitali hiyo pia Maaskofu wengine wametawanyika katika Hospitali za Jiji la Mbeya na Wilaya ya Mbeya kwa ajili ya kukabidhi vyandarua hivyo.

Naye Mganga mfawidhi wa Hospitali ya Mkoa wa Mbeya Dk. Gloria Mbwile, Alilipongeza Kanisa kwa kutimiza miaka 75 tangu kuanzishwa kwake nchini Tanzania pamoja na kutambua umuhimu wa huduma za jamii.

Kwa upande wake Mganga Mkuu wa Hospitali ya Mkoa wa Mbeya, Dk Seif Mhina aliwashukuru Kanisa kwa msaada na kuongeza kuwa kitendo hicho ni kutekeleza mfumo wa serikali wa kuzishirikisha sekta binafsi katika mfumo wa (PPP).

Aliongeza kuwa hivi sasa serikali inakabiliwa na kutekeleza mpango wa mileniawa kupunguza vifo vya mama na mtoto kutokana na Malaria hivyo kitendo cha Kanisa kutoa msaada huo ni kuisaidia Serikali kwa kutoa vyandarua bure tofauti na serikali ya kutoa kwa mfumo wa hati Punguzo.

Akizungumza kwenye kikao cha maandalizi ya safari hiyo iliyofanyika juzi kwenye Hotel ya Mbeya Peak, Mwenyekiti wa Kamati ya safari hiyo, Ulimboka Mwakilili ambaye pia ni Raisi Mstaafu wa UTPC alisema safari hiyo itaanza Agost 17, mwaka huu.

Baadhi ya waadhishi wa habari mkoa wa Mbeya wakimsikiliza Mwenyekiti huyo


BAADHI ya Waandishi wa Habari mkoani Mbeya wanatarajia kufanya ziara (Study Tour) Nchi jirani ya Malawi kwa lengo la kujifunza mambo mbali mbali.

Akizungumza kwenye kikao cha maandalizi ya safari hiyo iliyofanyika juzi kwenye Hotel ya Mbeya Peak, Mwenyekiti wa Kamati ya safari hiyo, Ulimboka Mwakilili ambaye pia ni Raisi Mstaafu wa UTPC alisema safari hiyo itaanza Agost 17, mwaka huu.

Alisema kutokana na urefu wa safari hiyo ambayo haimlazimishi mtu, kila anaevutiwa anapaswa kuchangia gharama za usafiri pamoja na chakula na malazi.

Alisema kima cha chini ni shilingi Laki mbili (200,000/=) kwa kila mtu mchango ambao mwisho wa kupokelewautakuwa Agost 8, mwaka huu.

Alisema safari hiyo ni muhimu kwa waandishi wa habari Mkoa wa Mbeya kutokana na manufaa ya kukutana na kujua mazingira ya kazi ya waandishi wa Habari wan chi jirani ya Malawi ikiwa ni pamoja na kujenga mahusiano mema.

Aliongeza kuwa wanahabari hao wakiwa Nchini Malawi watafanya shughuli mbali mbali ambazo hakuzitaja kwa kile alichodai ratiba maalumu inapangwa kwa ushirikiano na wenyeji ambao ni waandishi wa habari nchini Malawi.

Kwa upande wake Mratibu wa Safari hiyo, Venance Matinya, alisema ni vema ikaeleweka kuwa safari hiyo haiwahusu Wananchama wa Klabu ya waandishi Mkoa wa Mbeya(mbeya press club) bali ni kwa mwandishi yeyote aliyetayari.

Alisema safari hiyo imeasisiwa na waandishi wa habari wakongwe hapa nchini na Mkoa wa Mbeya na waliowahi kushika nyadhifa mbali mbali za uongozi kwenye Klabu.

Mwisho.

Na Mbeya yetu

No comments:

Post a Comment